18 Dec 2024, 21:51 वाजता
मध्य रेल्वेची वाहतूक विस्कळीत
मध्य रेल्वेची कल्याण कसारा रेल्वे वाहतूक विस्कळीत झाली आहे. शहाड आणि आंबिवली रेल्वे स्थानकादरम्यान मुंबईकडे जाणारी तपोवन एक्सप्रेसच्या इंजिनमध्ये बिघाड झाली आहे. यामुळे वाहतूक विस्कळीत झाली असून मुंबईकडे जाणारी रेल्वे वाहतूक ठप्प आहे. कल्याणहून इंजिन शहाड स्थानकाकडे रवाना करण्यात आलं आहे.
18 Dec 2024, 21:21 वाजता
बीड हत्याकांड प्रकरणावर उद्या सलग दुसऱ्या दिवशी चर्चा
बीड हत्याकांड प्रकरणावर उद्या सलग दुसऱ्या दिवशी विधिमंडळात विशेष चर्चा होणार आहे. उद्याच्या चर्चेत मुख्यमंत्री देवेंद्र फडणवीस बीड आणि परभणी प्रकरणावर उत्तर देतील.
18 Dec 2024, 20:16 वाजता
एलिफंटा बोट दुर्घटनेत 13 जणांचा मृत्यू
एलिफंटा बोट दुर्घटनेत 13 जणांचा मृत्यू झाला असल्याची माहिती मुख्यमंत्री देवेंद्र फडणवीस यांनी दिली आहे. यामध्ये नेव्हीच्या 3 कर्मचाऱ्यांचा समावेश आहे. मृतांच्या नातेवाईकांना 5 लाखांची आर्थिक मदत जाहीर करण्यात आली आहे.
18 Dec 2024, 19:48 वाजता
नवीन वर्षामध्ये सुमारे 3500 लालपरी बसेस एसटीच्या ताफ्यात दाखल होतील..!
2025 मध्ये म्हणजे येणाऱ्या नवीन वर्षामध्ये महाराष्ट्रातील सर्वसामान्य जनतेला चांगल्या आणि दर्जेदार प्रवासी सेवा देण्याच्या उद्देशाने सुमारे 3500 नव्या साध्या " लालपरी " बसेस एसटीच्या ताफ्यात दाखल करण्याचा मनोदय एसटीचे अध्यक्ष व मंत्री भरतशेठ गोगावले यांनी व्यक्त केला. नागपूर येथे घेतलेल्या पत्रकार परिषदेमध्ये त्यांनी ही घोषणा केली.
18 Dec 2024, 19:04 वाजता
भाजपकडून विधानसभेतील मुख्य प्रतोदांची घोषणा
आमदार रणधीर सावरकर भाजपचे विधानसभेतील नवे मुख्य प्रतोद असणार आहेत, मागच्या कार्यकाळात आमदार आशिष शेलार भाजपचे मुख्य प्रतोद होते. शेलारांची मंत्रिपदी नेमणूक झाल्याने सावरकर यांच्यावर जबाबदारी टाकण्यात आली आहे.
18 Dec 2024, 18:38 वाजता
एलिफंटामधील दुर्घटनेचा Live व्हिडीओ कॅमेऱ्यात कैद; आधी स्पीड बोटने धडक दिली अन् नंतर...
मुंबईतील समुद्रात मोठी दुर्घटना घडली आहे. गेट वे ऑफ इंडिया येथून एलिफंटाकडे जाणारी बोट उलटली आहे. गेट वे ऑफ इंडिया जवळच्या समुद्रात ही दुर्घटना घडली आहे. बोटीमध्ये एकूण 80 प्रवासी प्रवास करत होते अशी माहिती आहे. या दुर्घटनेत एकाचा मृत्यू झाला असून, 21 जण जखमी झाले असल्याची माहिती आहे. दरम्यान बोटीच्या मालकाने केलेल्या दाव्यानुसार, नौदलाच्या स्पीड बोटने बोटीला धडक दिल्याने ही दुर्घटना झाली आहे.
बातमीची वाचण्यासाठी या लिंकवर क्लिक करा
18 Dec 2024, 17:49 वाजता
एकाचा मृत्यू, 21 जखमी
एलिफंटा बोट दुर्घटनेत एकाचा मृत्यू झाला असून, 21 जण जखमी असल्याची माहिती प्रशासनाकडून देण्यात आली आहे. बोटीमधून एकूण 56 प्रवासी प्रवास करत होते. नौदलाच्या 11 बोटी बचावकार्यात दाखल आहेत.
18 Dec 2024, 17:03 वाजता
एलिफंटाकडे जाणारी बोट उलटली
गेट वे ऑफ इंडियाहून एलिफंटाकडे जाणारी बोट उलटली आहे. बोटीत 30 हून अधिक प्रवासी असल्याची माहिती आहे.
18 Dec 2024, 16:41 वाजता
आंबेडकर यांच्या अपमान प्रकरणी महाविकास आघाडी आक्रमक
डॉ बाबासाहेब आंबेडकर यांच्या अपमान प्रकरणी महाविकास आघाडी आक्रमक झाली आहे. उद्या सकाळी दहा वाजता संविधान चौकात महाविकास आघाडी करणार आंदोलन करणार आहे. महाआघाडीतील पक्षांचे आमदार संविधान चौकातील डॉ बाबासाहेब आंबेडकर यांच्या पुतळ्याजवळ आंदोलन केलं जाईल.
18 Dec 2024, 16:11 वाजता
विधानपरिषद सभापती निवडणुकीवरून उपमुख्यमंत्री एकनाथ शिंदे नाराज ?
राम शिंदे यांचा उमेदवारी अर्ज भरण्यासाठी मुख्यमंत्री देवेंद्र फडणवीस आणि उपमुख्यमंत्री अजित पवार हजर असताना उपमुख्यमंत्री एकनाथ शिंदे मात्र होते गैरहजर
उपसभापती निलम गो-हे यांना सभापती करण्यासाठी एकनाथ शिंदे होते प्रयत्नशील
परंतु भाजपने राम शिंदे यांचे नाव घोषित केल्यामुळं एकनाथ शिंदे नाराज झाल्याची माहिती
